Orange Elephant Thai Restaurant (啟德道)

营业中

休息中

今晚我同朋友终于可以放工嚟到九龙城，一齐嚟食泰国嘢啦﹗最钟意食金边粉嘅我，点会错过呢次机会呢~我哋都叫咗好多食物，份量都好多。首先系冬阴公汤，虽然本身唔系好食得辣，平时饮一两啖就会停手，不过今次味道啱啱好，饮完一碗身体都暖苙苙呀。之后仲有我最爱嘅蛋网海鲜金边粉，材料丰富之外，酱料又唔会太浓，好好食呀﹗而朋友话想试下青柠辣椒明炉乌头鱼，起初我都怕会好多骨好难处理，好彩啲骨都好明显，而且鱼肉都鲜甜呢。食泰国嘢，紧系要饮椰青啦~最后见到隔离枱叫咗串烧，我哋都追加咗份杂锦串烧有猪、牛同鸡，食到好饱啦。