影片
更多
2021-04-26
140 浏览
平时好少会去长沙湾呢头食嘢，今日咁岩去到𠮶边做嘢，就顺便喺呢度食埋夜晚，顺便观摩一下长沙湾呢头有啲乜嘢美食经过元州街见到呢间地舖嘅海鲜好似好吸引咁，尤其是系餐牌上面呢条「鱼米之乡」，完全吸引咗我哋入去食饭一坐低未睇餐牌我哋已经叫定左呢条两斤嘅沙巴龙趸～佢上菜嘅时候浸住鱼汤，而且放咗啲炸米上去条鱼到，而且仲系上菜之后喺我哋面前先至放上去，所以绝对香脆新鲜！讲返条鱼，鱼肉真系好滑，而且完全冇腥味，就连个鱼汤都系一啲腥味都冇，而且仲好新鲜好好饮！而且啲炸米虽然有啲已经浸咗落啲汤度，但系依然系好脆好好味😋不过可能因为我哋同时叫咗其他嘢嚟食，所以呢条两斤嘅鱼对于我哋四个人来讲就相对地比较多，下次如果我哋再嚟嘅话，可能会试吓叫返一斤，然后再叫多啲其他嘢食！小菜方面都有一份炸豆腐，佢炸得外脆内软，一粒一粒咁食好可口我哋仲叫咗一份夏果黑椒安格斯牛仔粒，牛仔粒嘅份量比我想像中少咗啲，不过煎得好入味，黑椒味好出另外一份豉椒炒大蚬，亦都好有镬气另外值得一赞嘅就系呢个锅烧鲍鱼鸡粒炒饭，饭炒得粒粒分明，而且调味适中，鲍鱼粒同埋鸡粒都好均匀咁分布喺成个炒饭入边，令到人食唔停口最后我哋叫咗份生磨蛋白杏仁茶做甜品，杏
经过元州街见到呢间地舖嘅海鲜好似好吸引咁，尤其是系餐牌上面呢条「鱼米之乡」，完全吸引咗我哋入去食饭
一坐低未睇餐牌我哋已经叫定左呢条两斤嘅沙巴龙趸～佢上菜嘅时候浸住鱼汤，而且放咗啲炸米上去条鱼到，而且仲系上菜之后喺我哋面前先至放上去，所以绝对香脆新鲜！讲返条鱼，鱼肉真系好滑，而且完全冇腥味，就连个鱼汤都系一啲腥味都冇，而且仲好新鲜好好饮！而且啲炸米虽然有啲已经浸咗落啲汤度，但系依然系好脆好好味😋不过可能因为我哋同时叫咗其他嘢嚟食，所以呢条两斤嘅鱼对于我哋四个人来讲就相对地比较多，下次如果我哋再嚟嘅话，可能会试吓叫返一斤，然后再叫多啲其他嘢食！
小菜方面都有一份炸豆腐，佢炸得外脆内软，一粒一粒咁食好可口
我哋仲叫咗一份夏果黑椒安格斯牛仔粒，牛仔粒嘅份量比我想像中少咗啲，不过煎得好入味，黑椒味好出
另外一份豉椒炒大蚬，亦都好有镬气
另外值得一赞嘅就系呢个锅烧鲍鱼鸡粒炒饭，饭炒得粒粒分明，而且调味适中，鲍鱼粒同埋鸡粒都好均匀咁分布喺成个炒饭入边，令到人食唔停口
最后我哋叫咗份生磨蛋白杏仁茶做甜品，杏仁茶嘅杏仁味闻落唔系好突出，但系一食就会试到浸杏仁嘅香味，而且蛋白嘅份量十分之充足，几乎每羹都系满满嘅蛋白
张贴
