火舞町 (已結業)

今日约左朋友嚟红磡食饭，之前见到呢间餐厅嘅铁板烧套餐一直都好想试吓，今次一于约埋嚟一齐食。🍳🐂🍚日式风味和牛炒饭⭐️⭐️⭐️⭐️炒饭饭粒粒分明有好香嘅鸡蛋味和浓郁嘅牛肉味。鸡蛋系一只溅到半生熟嘅太阳蛋，太阳蛋煎得非常靓，半熟嘅状态下闪闪发光，就好似呼唤人去食佢咁，点可以停口唔食呢！混合埋牛肉炒饭一齐食真系好好味😋而且饭系用珍珠买，米粒烟烟韧韧，味道同口感都非常丰富！南非鲍鱼⭐️⭐️⭐️⭐️⭐️第一次试到咁鲜味嘅鲍鱼，鲍鱼新鲜肉质弹牙，大厨将原只鲍鱼煎熟再切片，所以每一片鲍鱼都食到香味，加埋三文鱼鱼子一齐食味道更加鲜。🦞香煎澳洲龙虾尾⭐️⭐️⭐️⭐️⭐️新鲜龙虾肉真系特别好味🤤，食落去味道特别鲜甜，虾味浓郁。龙虾肉大大件，塞落去成个口都系龙虾肉，好有弹性好有咬口，而且虾肉煎到香味十足，加上小小黑胡椒，味道已经非常鲜甜！🦪海胆三文鱼子配时令生蚝⭐️⭐️⭐️⭐️⭐️⭐️呢只生蚝海水味特别丰富，仲要加埋新鲜三文鱼鱼子，就好似一只即刻由海上面捞出嚟嘅生蚝一样，食落去满满海水味。另外再加上海鲜皇后👑海胆，令整个味道更加丰富，今天幼滑口感。