影片
更多
2024-12-22
123 浏览
《牡蛎小屋 - 铜锣湾》辛苦得来志在食😆收咗工就梗系要约埋朋友饮返杯食吓好嘢啦🤗平时多数饮吓白酒食生蚝，今日我哋食烧蚝同埋蚝定食😍去咗位于铜锣湾一间出名食铁盒烧生蚝嘅日式居酒屋饮番杯同埋食下蚝🦪七点到已经好多人喺度开紧餐饮紧酒，记住想食呢一间餐厅一定要book位😏在场有好多日本人，估计呢度都系不少在港日本人嘅聚脚地😉而家餐厅每一日都有指定餐点或者酒水优惠，而生啤每杯$58 都仲有买一送一优惠，平均每一杯$29咋，超级抵饮💪🏻而餐厅到咗八点就会有一个互相祝酒嘅环节，店员会喺度打鼓助兴，全场人都有得免费饮清酒一杯，大家一齐干杯，气氛非常热闹😍无论系店员定系食客都好，睇得出大家都好尽兴，想体验日本居酒屋文化的话，呢一度绝对系不错嘅选择💁🏻♀️铁盒烧广岛生蚝半打 $240 可加$43追加芝士我系特意过嚟食呢一个铁盒烧广岛蚝，之前见人哋介绍已经觉得好邪恶，店员烧生蚝之前会俾我哋望一望啲蚝，只只都肥美大大只，基本上半打两个人食已经好足够，因为啲蚝烧完之后都冇缩水，啖啖肉好滋味，仲感受到原汁原味海水嘅味道👅食落非常鲜甜👍🏻如果想再邪恶啲可以加$43追加非常拉丝嘅芝士🧀食落系另一种感觉，芝士嘅咸香味带
辛苦得来志在食😆收咗工就梗系要约埋朋友饮返杯食吓好嘢啦🤗平时多数饮吓白酒食生蚝，今日我哋食烧蚝同埋蚝定食😍去咗位于铜锣湾一间出名食铁盒烧生蚝嘅日式居酒屋饮番杯同埋食下蚝🦪七点到已经好多人喺度开紧餐饮紧酒，记住想食呢一间餐厅一定要book位😏在场有好多日本人，估计呢度都系不少在港日本人嘅聚脚地😉而家餐厅每一日都有指定餐点或者酒水优惠，而生啤每杯$58 都仲有买一送一优惠，平均每一杯$29咋，超级抵饮💪🏻而餐厅到咗八点就会有一个互相祝酒嘅环节，店员会喺度打鼓助兴，全场人都有得免费饮清酒一杯，大家一齐干杯，气氛非常热闹😍无论系店员定系食客都好，睇得出大家都好尽兴，想体验日本居酒屋文化的话，呢一度绝对系不错嘅选择
💁🏻♀️铁盒烧广岛生蚝半打 $240 可加$43追加芝士
我系特意过嚟食呢一个铁盒烧广岛蚝，之前见人哋介绍已经觉得好邪恶，店员烧生蚝之前会俾我哋望一望啲蚝，只只都肥美大大只，基本上半打两个人食已经好足够，因为啲蚝烧完之后都冇缩水，啖啖肉好滋味，仲感受到原汁原味海水嘅味道👅食落非常鲜甜👍🏻如果想再邪恶啲可以加$43追加非常拉丝嘅芝士🧀食落系另一种感觉，芝士嘅咸香味带出咗生蚝嘅鲜甜，不过有心理准备食完呢三只生蚝就已经饱咗三成🤣但我依然推介👍🏻必食💁🏻♀️和牛卡尔帕乔 $148
生牛肉其实我平时好少食，最主要系怕牛肉𠮶浸铁锈味，但系用和牛制作嘅卡尔帕乔就绝对冇呢个感觉，和牛肉包住生洋葱再配上黑醋同埋各种调味，黑醋嘅味道配上海盐带出咗和牛嘅油脂同埋甜味，呢个沙律食落好清新，而且出边好少机会食到，我觉得接受到生牛肉的话一定要试吓，佢呢个做法有少少西式，但系食落嘅味道又好有日本和食的感觉💁🏻♀️白姜醋鲭鱼昆布 $98
平时我好少食酸姜片，但系配上醋鲭鱼个味道又好夹㖞，用咗昆布包住咗肥美嘅鲭鱼同埋酸姜，酸姜有少少辛辣，啱啱好可以辟到鲭鱼𠮶浸腥味，鲭鱼个感觉有啲似食紧蛋糕咁，有一种好Creamy嘅感觉，成道菜色酸酸辣辣咁好开胃💁🏻♀️蒜香辣椒牡蛎八爪鱼意粉 $118
接住落嚟就到主菜，呢一个意粉超大份，入面嘅配菜有八爪鱼同生蚝，用橄榄油同蒜蓉炒香左之后又系另一种食法，意粉辣辣地好开胃，个生蚝炒得唔会干身，仲系食得到佢肥美嘅口感，配上意大利粉就可以解除油腻感，成个意粉三个人食我都觉得唔过分💁🏻♀️巴马火腿忌廉芝士凯撒沙律 $98
食完咁多蚝梗系要解一解腻叫返个沙律，但系原来呢个沙律都唔少嘢㗎，又系劲大份🤭凯撒汁同沙律其实好夹，沙律菜都系选用咗新鲜嘅罗马生菜制作，配上巴马火腿同埋原粒忌廉芝士，成件事又系好邪恶🤣💁🏻♀️美国安格斯牛扒炉端烧 $198
两个人食咁多嘢应该吓死人，但系当晚我哋不停饮住啤酒不停食，唔觉唔觉啲嘢又俾我哋清晒㖞🤣最后呢一个安格斯牛扒系用炉端烧嘅方法制作，配上特制嘅黑椒酱汁，牛扒应该七成熟左右，牛肉味浓郁而且表皮有少少微脆嘅感觉，配上下面嘅沙律菜，又系一道送酒嘅菜肴
张贴
