林昌記 (已結業)

鱼蛋，几蚊串，系我M佬扫街必食嘅特色小食。好记得以前食过最好正嘅鱼蛋系香港仔嘅谢记山窿鱼蛋，加埋佢𠮶条即炸鱼片，真系正到无朋友。自从佢执咗之后，就好耐无食过令人叮一声嘅鱼蛋，直至我哋𠮶日同班friend食咗旺角林昌记鱼蛋。成间铺头就系卖鱼蛋，餐牌写住有三种口味: 原味，辣味同咖喱味。来佢哋系原味鱼蛋，而辣味就系自己落自家辣椒油。鱼蛋咬落去好弹牙，好香鱼味。辣椒油辣得嚟又无遮到阵鱼蛋香味，正!!!同老板倾倾下，发现原来林昌记就系之前喺桂林夜市日卖十万粒鱼蛋嘅无名氏鱼蛋档，我记得𠮶次要排成半个钟先买到。林昌记鱼蛋粒粒都系自家制，而且真材实料，八成都系由鱼肉整成，得两成面粉，所以食落好香鱼味，质地系爽口弹牙。相比之下，出面街𠮶啲鱼蛋面粉多，鱼肉少，质地淋身。除咗餐牌上嘅三款， 原来仲有两款隐藏食品，而且我哋觉得比鱼蛋仲好味，大家下次去记住嗌。第一个系黄金角。就咁睇𠮶名都估到系炸，而且系炸到金黄色，好香口。一碗两款，一厚一薄，厚身比较有咬口，鱼味重啲，不过两只其实都好正!! 大家钟意嘅话可以落辣椒油，不过会令到佢地淋咗，所以老板建议唔好落。第二个系金蛋。类似黄金角，系将鱼蛋炸过。不过佢无黄金角