神木日本料理 (已結業)

观塘嘅餐厅真系超级多，呢排我行工厦嘅时候又俾我见到一间日式餐厅睇落都唔错。我首先牛肉他他，牛肉切得薄片，口感嫩滑，配上特制的他他酱汁，味道丰富而浓郁。作为一个开胃菜系绝对吸引。然后我地仲叫左锅烧鸟冬，有炸虾、蟹柳、鸣门卷同杂菜等等作为配料，整体都ok。不过炸虾摆咗落汤之后，就会淋咗，冇咗本身嘅脆口，但系变到好饱肚。餐厅嘅鸡五味盛都非常正，有鸡全翼、鸡肝、鸡胸软骨、鸡颈肉和鸡心等，调味都几好。特别想推荐鸡胸软骨，它的鸡肉口感非常嫩滑，戴上脆骨嘅爽脆，绝对是令人垂涎欲滴的美味。而饮品方面梗系要饮梳打啦，蓝柑乳酸梳打就味道偏甜，桃园柚子梳打味道啱啱好，唔会太甜或者太淡。