紅雞

营业中

休息中

今日同三个朋友一齐食晚饭，有朋友提议食呢间就去了，好彩6点几7点去，如果唔系有机会要等位。我哋嗌左我三样嘢share，食韩国嘢梗系要嗌炸鸡，所以第一样嗌左半半炸鸡，加咗$10要无骨，感觉食得爽d，拣咗甜辣汁同蒜香汁，可能因为用咗甜辣汁，所以唔会好辣仲有d甜味，蒜味都好香浓，两只味都好juicy好想再食。之后仲嗌左韩式牛肉配粉丝，牛肉都大旧算多，肉质尚算嫩口，粉丝味道岩岩好唔会好重味，仲有d配菜夹埋一齐食。香肠年糕串都唔错，除咗香肠同年糕，仲有甜不辣，类似鱼饼咁，同个酱汁都好夹，年糕亦都几烟靭。之后嗌咗乳酪烧酒一齐饮，乳酪味都好重可以遮到好多酒味，但当然仲会饮到酒味，但唔使惊会好浓烈。食物好高质，环境都好有格调，一定会再嚟，老板同某一两个侍应应该系韩国人，但都识讲少少广东话，几nice。