小火焰韓式咖啡廳 (觀點中心) (已結業)

今日嚟到呢间韩式餐厅食晚饭，已经晚上七点半，仍然有人排队等入位，可见呢间餐厅嘅名气。同朋友叫咗两个主食同一个小食：韩式甜辣年糕炸鸡半份（$88）、辣炒猪肉盖饭（$78）同烩牛肋淮山面（$68）。韩式甜辣年糕炸鸡，睇落去卖相非常之邪恶同吸引，炸鸡同年糕上面沾满韩式甜辣酱汁，炸鸡有先用胡椒、香草腌过，再沾上粉浆拎去炸，外皮炸到好酥脆，鸡肉亦都好滑嫩，但重点系个酱汁非常好食，食落偏辣带点甜味，好惹味开胃！而年糕好烟韧，同酱汁好配搭，非常推荐！辣炒猪肉盖饭，配料有炒五花肉、紫菜、红椒、翠玉瓜、泡菜同韩式拌饭酱等，食之前同将佢哋拌匀，食落带点微辣，表现中上。烩牛肋淮山面，烩牛肋煮到好入味，食落去质感似猪软骨，而面条条分分根明，唔会煮到好烂，但面条无弹牙口感，汤底亦都表现中庸，唔会特别推荐。