南대門

营业中

休息中

南대门尖沙咀金巴利道75号东南大楼地舖最近睇得韩剧太多，好想食下韩国BBQ解下个瘾，好难得揾到个好知己肯陪我颠下，我地出去左尖沙咀金巴利道呢头，已经见到呢间餐厅有几间分店，人气极高。我地今次就拣左呢间，一入到去已经座无虚席咁济，职员安排我地入座。好快我地已经拣左餐了。职员好快为我地递上前菜，包装酸萝卜泡菜、芽菜等，好似置身系韩国当中，非常开胃美味。牛肉韩烧拼盘一上菜既时候视觉已经非常震憾！竟然有唔同款式既先！有牛小排、牛肋骨、牛肉粒，真系令人胃口大开，令我最难忘既系牛小排，轻轻烧一烧，已经可以食得，一入口已经即刻系我口腔溶化左，另外，牛肉粒腌得好好味，基本上每一款牛都非常新鲜同好重牛味，脂肪分怖亦都好均匀，玩晒！提提大家每款牛烧既时间都唔一样，可以根据佢既厚薄程度冲量。泡菜汤一锅已经有2人份量，材料非常充足，成碗汤都充满劲多泡菜和豆腐，酸酸地同少少辣，喜欢泡菜既朋友必定要试试！泡菜煎饼每次去韩国餐厅都必点既一道菜，份量比想像中多，配上特制酱汁，啖啖都有泡菜既香，又唔会煎到太过干，绝对系诚意之作。