京都薈

营业中

休息中

約咗啲長輩食飯，最理想就係去酒樓。 京都薈晚飯都幾抵食，有好多套餐同埋有特價菜。平日呢度都唔算多人，座位闊落，坐得幾舒服。最正就係$10飛天雞，原隻上枱，保留肉汁。酒樓會提供鉸剪同埋手套，所以都好輕易就食到👍🏻 雞炸得香脆，雞肉又嫩，好好食。$288 一隻澳洲龍蝦都抵食，龍蝦開邊上枱，用刀叉食，啖啖肉好正。我哋揀咗芝士伊麵，加$30，份量都唔少。另外仲叫咗個黃金豆腐小食，一客六件，香口惹味，啱晒用嚟送啤酒啦。呢度晚飯真係平靚正，下次叫多啲人試多啲菜式。