京都薈

营业中

休息中

约咗啲长辈食饭，最理想就系去酒楼。 京都荟晚饭都几抵食，有好多套餐同埋有特价菜。平日呢度都唔算多人，座位阔落，坐得几舒服。最正就系$10飞天鸡，原只上枱，保留肉汁。酒楼会提供铰剪同埋手套，所以都好轻易就食到👍🏻 鸡炸得香脆，鸡肉又嫩，好好食。$288 一只澳洲龙虾都抵食，龙虾开边上枱，用刀叉食，啖啖肉好正。我哋拣咗芝士伊面，加$30，份量都唔少。另外仲叫咗个黄金豆腐小食，一客六件，香口惹味，啱晒用嚟送啤酒啦。呢度晚饭真系平靓正，下次叫多啲人试多啲菜式。