春嬌越南河

营业中

休息中

肉类方面，老公一向喜欢食猪扒，但系每间餐厅嘅质素都唔同，有啲入味但又鞋，有啲唔鞋又冇味，当然有啲真系又入味又够嫩口，今日就比我听到同事话铜锣湾有间食猪扒超正，就系主打越南菜嘅春娇。香茅猪扒河粉加荷包蛋：香茅猪扒有两大块，腌得入味，肉质软腍松化，老公食到大赞顶呱呱，汤底香浓清甜，滑溜的河粉加上洋葱、芫茜葱蒜更添口感和味道！加咗只荷包蛋，煎得几香。香茅鸡翼檬粉：鸡翼即叫即炸热辣辣，鸡皮带有淡淡嘅香茅味，肉质嫩滑，檬粉爽口，挂上香甜汤底好滋味！越南脆炸虾饼：即叫即炸，虾饼弹牙鲜甜，外层香脆。咸柠七清凉解渴椰汁冰香甜