蘇媽.蘇媽馬來西亞茶餐室 (已結業)

经过尖沙咀见到呢间餐厅门面装修得几高档，望一望原来系苏妈.苏妈马来西亚餐室，之前都食过呢间餐厅几次，尖沙咀呢间系第一次食。槟城福建虾面：面煮到软硬适中，汤底浓郁得黎仍然有虾既鲜味，虾肉爽口既，腩肉肥瘦均匀，豆卜索晒汤底，好入味。马来西亚拉茶：拉茶第一啖饮落口，即有喜出望外既感觉，除左有茶既香味之外，仲带有一阵淡淡姜既味道，同茶香配搭得非常好。椰香咖央多士：多士系暖暖地，似系岩岩整起，牛油够晒厚，加埋咖央酱，咬落口外脆内软，牛油入口即溶。