Deli 313 (已結業)

喺和富中心Basement food court竟然有间隐世泰国美食！Paid thai、冬阴功汤都食得多，呢间食店竟然系卖泰国路边美食，好新鲜。送上好香嘅番石榴茶，仲要系无糖，非常好。招牌鱼肉路边汤粉（$35）- 可以嗌细份，啱晒乜都想试下嘅我。绿色鱼肉好特别，鱼肉系用本地新鲜鱼打岀嚟，所以一食落去就觉得好有新鲜同弹牙，仲食到好浓郁嘅泰国香叶味，底下仲有金边粉，非常好味，一定要试。炒牛颈脊粒拌凉菜（$75）- 即叫即炒，好有镬气。牛颈脊啲油脂香炒晒岀嚟，好香又入味，底下仲配上爽口芽菜。所有食品同沙律都可免费配香葱黄饭或牛汤粉或白萝卜，我就费事食咁饱所以拣咗萝卜，点知份量都唔少，好入味仲要无渣。冬阴茄蓉木瓜丝沙律（$40）- 叫咗BB辣但都几辣，不过好惹味。木瓜丝爽口又新鲜，必试。