影片
更多
2016-07-08
946 浏览
平时好少去土瓜环，不过听讲有好野食，当然约埋朋友试下。咦，又几好食㖞。虽然比起平时果啲任食边炉价钱贵，不过食材质素都唔同，又无得比嘅，睇相啦！招牌杂菌花甲蟹㶽 $400落单之后等咗一阵，招牌终于登场啦！侍应提我地要快啲食咗锅内嘅花甲，唔系会老，肚饿嘅我即刻捞几只食，又真系几鲜甜，份量亦都唔少。只蟹都几大只，好多膏，肉质几鲜，又唔怕无肉食。而且锅内重有菇同蕃茄，啲菇食极都重有，份量好多，蕃茄令汤底带少少酸，好开胃。$400 一锅开头觉得有啲贵，不过难得多人一齐食，除返都ok嘅，重点系好味，值回「锅」价。招牌肥牛拼盘 $368卖相几靓，摆得好整齐，有好多种，和牛粒、牛颈脊、牛胸爽、牛脷托等等...... 多人食嗌呢个拼盘就岩晒，唔使慢慢拣又唔拣争。肥鹅肠 $78黎之前都睇过下呢间火锅店嘅食评，听讲鹅肠最正最出名，点可以唔试下！第一次食鹅肠，好快熟，无膻味，咬落去爽爽地，几新奇。未食过／钟意食嘅朋友推介一试。睇落好多，其实渌完得好少。泰国基围虾 $68好抵食！$68有9只，大大只，摆系锅里面滚一滚就食得。新鲜弹牙，啖啖肉，用竹签拮住食几方便。广岛蚝 $78急冻，拎出黎好似旧石头咁硬，普普通通
招牌杂菌花甲蟹㶽 $400
落单之后等咗一阵，招牌终于登场啦！
侍应提我地要快啲食咗锅内嘅花甲，唔系会老，肚饿嘅我即刻捞几只食，又真系几鲜甜，份量亦都唔少。
只蟹都几大只，好多膏，肉质几鲜，又唔怕无肉食。而且锅内重有菇同蕃茄，啲菇食极都重有，份量好多，蕃茄令汤底带少少酸，好开胃。$400 一锅开头觉得有啲贵，不过难得多人一齐食，除返都ok嘅，重点系好味，值回「锅」价。
招牌肥牛拼盘 $368卖相几靓，摆得好整齐，有好多种，和牛粒、牛颈脊、牛胸爽、牛脷托等等......
多人食嗌呢个拼盘就岩晒，唔使慢慢拣又唔拣争。
肥鹅肠 $78黎之前都睇过下呢间火锅店嘅食评，听讲鹅肠最正最出名，点可以唔试下！
第一次食鹅肠，好快熟，无膻味，咬落去爽爽地，几新奇。未食过／钟意食嘅朋友推介一试。
睇落好多，其实渌完得好少。
泰国基围虾 $68好抵食！$68有9只，大大只，摆系锅里面滚一滚就食得。
新鲜弹牙，啖啖肉，用竹签拮住食几方便。
广岛蚝 $78急冻，拎出黎好似旧石头咁硬，普普通通。
八味金砖豆腐 $48好食！ 真正外脆内软！豆腐滑到好似食紧豆腐花咁，我食到唔停口。推介！
不过调味好似系用七味粉，食落无椒盐咁惹味。同埋记得趁热食，摊冻咗就唔好食噜。
手拍青瓜 $42偏酸，有一阵芫茜味，我平时唔食芫茜，不过同呢个手拍青瓜又几夹。
调味料由于花甲蟹锅太好味，基本上我无点调味料，不过重口味嘅朋友应该好钟意。
餐厅唔算好大，坐位都可以，但冷气好冻，食住边炉都觉得冻，呢方面要改善下。而且野饮选择唔算好多，有绿色可乐拣叫做特别啲。（唔系好好饮）
都系饮多几啖个花甲蟹锅先！
张贴
