榕記火焰雞煲私房菜 (已搬遷) 新店位置

想食鲜鸡煲就会谂起榕记，鸡煲系采用鲜鸡去制。仲要喺大家面前洒米酒将个鸡煲煮起，鸡煲入面仲有好多新鲜食材，包括鲜虾、猪膶、鲜滑牛、马蹄、竹䉀、云耳等，原只鲜鸡当然唔少得鸡杂啦！未食已经嗅到好香啦！师傅会一边睇住时间同留意煲里啲食材熟哂未，如果一熟哂就会叫各位起筷！一打开鸡煲，香气扑鼻，鸡件入味带有酒香味，鲜滑牛好腍唔靭，加上鸡杂，超正。我好钟意佢入面加咗竹䉀，咬落好清甜。当你食到鸡煲八成后，就会攞出我哋预先order咗嘅火锅配料，我哋加咗扇贝、蛏子、花蛤、生蚝、响铃、皇帝菜及䈑笋！由于猪润及鲜滑牛太好食，我哋再追加各一碟，加多碟肥牛。样样食材都好新鲜，不知不觉食咗两个钟。最后加一碗白饭，将净余嘅汤当汁炒白饭，白饭索哂啲汁，好好汤，但系会有啲腻！我哋六个人一个饭已经好饱，正！