泰興隆泰國菜館

营业中

休息中

朋友介绍喺佢公司附近有间泰国菜，午餐好吃又抵食，今晚同佢食饭，一于试下佢嘅晚餐先。地铁站行来只需要几分钟，位置方便。招牌系红色的，唔难揾。一推门进店，老板娘就亲切打招呼，态度友善。同老板娘倾开计，原来佢同老板都系泰国人，来港已经几10年了，佢地嘅泰国菜应该够哂地道啦。饮品叫了涷泰国奶茶同珍多冰，味道唔错。青芒果沙律老板娘推介，青芒果丝清甜，大虾爽口，调味带有少少酸辣味，够开胃。鸡肉串烧烧得金黄，加上独特沙嗲酱，味道可口。咸蛋炒大虾哗，份量唔少，摆得像一个小山丘，大虾沾满了咸蛋黄，不但香脆，而且咸蛋香味十足，食到停唔到口呀。连摆碟嘅炸芋头鸟巢味道都唔错，我地连鸟巢都拆埋清碟呀。