民聲冰室 (裝修中)

近排系铜锣湾返工，中午嘅时候，同事带我去试系大坑好出名既民声冰室。我哋大约12:15到，等左十分钟就得入。铺位入面唔大，得四五张枱，座位唔算多。所以建议中午时间要早少少到，预时间等位。中午的话，一个餐包𩠌, 饭同饮品，呢一区黎讲，价钱都算抵。叫左黎呢度一定要食嘅咸蛋肉饼饭，再加个手撕鸡。咸蛋蒸肉饼($50)建议加少少咸蛋同豉油摆落肉饼伴饭食， 淡淡的咸蛋香伴饭，令人食指大动。客家盐焗手撕鸡($68)手撕鸡用左芝麻同芫茜，所以唔好芫茜嘅朋友就唔建议叫。 手撕鸡略嫌有点咸，味道较重，会适合伴饭多啲。民声的饭份量比较细，如果唔够食的话，可以加六蚊要多碗。