鼎皇臭臭鍋 (已結業)

自从喺香港食过第一间台式嘅臭臭锅之后而家每逢见到台湾嘅锅物，我都好有兴趣试，尤其是中午的话一个人入去食一个锅加一杯珍珠奶茶就已经十分之满足。呢度嘅锅款式嘅选择都非常之多 有成十几种当然唔少得嘅就系台湾嘅臭臭锅啦，但系今日我就冇食到，我反而注重系佢呢一度除咗有普通嘅锅物之外仲会有养生锅做主打。今日拣咗佢个麻油鸡锅，首先我就饮咗佢一啖汤，果然有非常之浓嘅麻油香，佢系用咗黑芝麻油。但系饮落去唔会觉得好油腻，反而有种好滋补养生嘅浓汤，再配黑芝麻油嘅感觉。比起平时火锅嘅油腻简直系天渊之别。我入边有猪血糕，有麻油鸡，蚬肉丸同埋豆腐等等。我比较想推介一下嘅就系佢嘅米线，台湾米线我初头以为系我哋香港不嬲食开嘅米线，原来佢嘅米线系指图上面𠮶只米黄色嘅豆皮。吃落去好有豆香，有嚼口。仲有重点推介就系呢一个咸鱼饭，通常台湾就剩系得卤肉饭，但系呢度如果你跟餐加＄12可以加个咸鱼饭。攞出黎已经闻到非常之香，但系食落去唔会有咸嘅感觉，好香好好食。