影片
更多
2019-11-12
98 浏览
今日行经美孚揾朋友，谂住顺便医埋肚先返归，朋友话屋企附近开咗间新嘅，菜式特别嘅中式餐馆，于是去尝鲜。餐厅空间大，稍嫌枱与枱之间距离少，隔黎枱嘅对话都听得一清二楚。「偷食」就小心d喇haha。先黎个头盘，陈皮牛𦟌，以往食牛𦟌都系卤水嘅多，佢地呢到嘅加咗陈皮，酸酸地，好香好开胃，牛𦟌厚薄适中，每块都入晒味。跟住系盐酥珍珠蚝，钟意食蚝嘅朋友呢个必叫，连平日唔食蚝嘅朋友都话好好食，炸粉好薄好脆，蚝仔炸嘅生熟程度啱啱好，好鲜嫩多汁又唔腥。呢味小菜叫山楂柚子汁脆腩片，睇卖相同咕噜肉差不多，本来有少少怕食呢类，但朋友想试就叫啦，呢个汁唔酱口，唔过咸，酸酸尾尾，食落唔油腻。终于黎到主食，作为饭桶，见到饭就最开心，汤饭更系我最钟意食饭嘅一个煮法，呢个饭劲好食，料又多，完全无令我失望，有鱼片，蚝仔，瓜粒，汤头好鲜味，食完唔会系咁饮水，真材实料，如果你都钟意食汤饭，不妨一试。呢到店员亦非常殷勤亲切，招呼周到，值得一赞！
餐厅空间大，稍嫌枱与枱之间距离少，隔黎枱嘅对话都听得一清二楚。「偷食」就小心d喇haha。
先黎个头盘，陈皮牛𦟌，以往食牛𦟌都系卤水嘅多，佢地呢到嘅加咗陈皮，酸酸地，好香好开胃，牛𦟌厚薄适中，每块都入晒味。
跟住系盐酥珍珠蚝，钟意食蚝嘅朋友呢个必叫，连平日唔食蚝嘅朋友都话好好食，炸粉好薄好脆，蚝仔炸嘅生熟程度啱啱好，好鲜嫩多汁又唔腥。
呢味小菜叫山楂柚子汁脆腩片，睇卖相同咕噜肉差不多，本来有少少怕食呢类，但朋友想试就叫啦，呢个汁唔酱口，唔过咸，酸酸尾尾，食落唔油腻。
终于黎到主食，作为饭桶，见到饭就最开心，汤饭更系我最钟意食饭嘅一个煮法，呢个饭劲好食，料又多，完全无令我失望，有鱼片，蚝仔，瓜粒，汤头好鲜味，食完唔会系咁饮水，真材实料，如果你都钟意食汤饭，不妨一试。
呢到店员亦非常殷勤亲切，招呼周到，值得一赞！
张贴
