泰中意 (已搬遷) 新店位置

琴日屋企人生日🎂嚟咗食泰国嘢庆祝。当中有三样食物真系想大推！黄咖喱软壳蟹$258（menu冇的），我地想食蟹，店员就推介食黄咖喱软壳蟹☺️，店员话想食蟹要一天前预订，因为想确保新鲜。黄咖喱上枱系咖喱汁同软壳蟹分开上，软壳蟹食嘅时候仲系松脆😊唔会淋洒，好贴心👍🏻第二样就系炭烧猪颈肉，炭烧永远都系最好味😋更加焦香惹味。我钟意呢到猪颈肉切得厚薄适中，泰式甜酸酱亦调得啱啱好。第三款就系泰式烧鳝，烧至金黄色，鱼皮脆卜卜，肉嫩多汁。每款食物都系诚意之作，价钱亦都亲民。一家人食得好满足。