玩具小屋咖啡室 (已結業)

之前都黎过好多次 都keep到水准！！最抵赞系佢会转menu (lunch，dinner，同饮品都会不定期更新) 黎左几次都食到好多唔同野真系食极唔厌!!今次主要想讲拼盘 之前几次朋友都话太热气唔肯食 今次佢地口痕 终于得偿所愿！！！嗌左海鲜拼盘！好热气呀，不过真系好好味 首先讲下啲炸粉，一啲都唔厚唔硬，超级松脆，鱼手指同炸虾完全冇雪藏味，炸虾同鱿鱼都好弹牙爽口，鱿鱼仲有成8旧！！超多重点登场：软壳蟹！食个时劲方便（软壳连壳食）点埋佢只蛋黄酱真系好好味，呢个价钱呢个味道系超哂班，可惜既系只有一只真系唔够喉食完呢个又想叫埋小食拼盘饮多2杯凉茶清热！即叫即炸 全部都脆卜卜！薯格好味过kfc个d劲多 啲炸鸡翼既味到岩岩好 唔会话好咸好干 食个时有好多肉汁留出黎！好好味个炸芝士单食有少少漏，我会将佢卷住鸡翼一齐食，可以拉芝食到最后，个薯饼真系食唔落可能饱得济，觉得薯饼较为普通。 不过真系可想而知个份量有几咁多！食小食食到饱。