萬發海鮮火鍋菜館

营业中

休息中

今次好友推介带我地走到黎呢边食，同地铁站都有一段距离。七点黎到，入面已经有一半客食紧。野食分量都几多，有水准，最钟意碟碟都热辣辣，而今次六人叫五𩠌一饭一汤，每人平均$250。 胡椒猪肚鸡煲 $298 胡椒味好香好浓少少辣，饮完成个人好暖好舒服，猪肚爽口又无腥味，分量都几多，我地每人饮两碗都仲有，而只鸡系比猪肚包住咁煲，侍应会帮手剪开分埋鸡。 薯仔牛柳粒 $98 薯仔面有层糖咁脆脆地甜甜地，入面好淋，而牛肉整得唔鞋唔韧，加埋少少胡椒味，好香又有锅气味，正。超值孖宝E (1) 即烧乳猪件 $408好香好脆，真系热辣辣，肥肉又唔多，好好味。超值孖宝E (2) 姜葱炒肉蟹 $408大排档嘅锅气味出哂，味道咸味够又惹味，蟹肉都多又甜，但个分量就一般，一只完全唔够喉。 蒜蓉粉丝蒸大元贝 $288好大好大嘅元贝，元贝蒸得好好，轻轻一堆就甩到，好好味，蒜香味好够又入味，粉丝完完全全吸收哂蒜香味又够爽口。 万发石头饭 $78好一粒粒，炒饭咁，咸咸地几好味，有啲肉粒，料唔太多。 雪里红芥兰 $88呢锅菜好多，又绿又爽口，食落索索性，有埋雪菜肉碎咸咸地捞饭食一流。