米走雞 (渣甸中心)

营业中

休息中

天气乍暖还寒，朋友提议放工去打边炉，我当然赞成啦！「米走鸡」地点方便，一出铜锣湾地铁站行几分钟就到。坐低后，店员向我哋推介「金汤花胶桃胶鸡锅」，我哋听到有花胶同埋满满嘅骨胶原就即刻拣选咗呢个滋补汤底。汤底色泽浓郁金黄，散发出阵阵鸡汤香气。鲜鸡融合了花胶同桃胶嘅精髓，赋予汤底独特嘅口感同丰富嘅营养价值。打边炉之前一定要好好品尝一下足料靓汤🥣本身个汤底已经有半只鲜鸡🐓同一些新鲜蔬菜🥬，我哋另外再添加左「澳洲和牛M8肩胛肉眼片」（细）「皇帝菜」同「香菇贡丸」。🥩虽然只系细order嘅和牛片，但系份量超多，有十多片。嫩滑嘅和牛片喺汤中迅速熟透，每一口都充满鲜美嘅肉汁。🍢贡丸系我打边炉必点嘅配料之一。贡丸弹牙有嚼劲，口感鲜美。🥬皇帝菜系一个清爽嘅配料选择。蔬菜喺汤中煮熟后依然色泽翠绿，清新嘅味道让食物组合更加平衡。餐厅环境舒适，座位宽敞，灯光柔和。店员服务周到，会帮我哋剪开只鸡同埋就算人客众多，亦会不时替我哋更换碗碟及加汤底。