波記(大排檔) (已結業)

天气开始凉番啲就可以喺街边食嘢，去左一间隐藏喺楼梯里面嘅大排档，见到大厨一个已经觉得好有镬气🤪呢度主要都系食各式嘅碟头饭，价钱经济实惠，喺中环已经系买少见少呢一啲大排档🥲最好坐当然系厨房上面嘅位置，但每一次去到都系坐满左，所以只可以坐厨房下面嘅位置但系油烟味就比较重。买外卖嘅人都会好多，你间大排档喺中上环区都算好受欢迎，因为性价比好高🤩炒底椒盐猪扒饭($55)生蒜头🧄辣椒🌶️洋葱🧅豆瓣酱，四样都好重口味嘅嘢加埋一齐，炒出镬气，加埋炒左底嘅饭同猪扒，真系好好食😝。猪扒好湿润，饭亦都唔会过淋，加埋啱啱好，不过如果个饭可以在干啲同成碟热翻啲嘅话会仲好食。我谂应该都系炒好放左阵先上枱🥲干炒牛河($40)之前食呢个干炒牛河会有菜心就冇芽菜，而今次食呢个款就有芽菜冇菜心🥬，真系几随心😂每一条河粉都令立立充满油，初初食落口都几好味，但系食到中段开始觉得有啲油腻感，牛肉同埋河粉口感都系正常发挥。其实两碟都好大碟，如果细食嘅女仔绝对一点可以两份食😂但系我就自己食晒一碟🤪推荐？🟡🟡🟡🟡⚪️好食，但系卫生情况一般，不过公司喺附近就建议买返公司食。另外，如果想去食嘅话要留意番时间因为佢下昼同晚上系唔开嘅。