반찬앤쿡 Banchan and Cook (太古城中心)

营业中

休息中

今日同女朋友黎到太古城拍拖，行经见到一间好靓既餐厅，忍吾住入黎食个lunch打个卡😂。始终系星期日，人流都有返甘上下，大约排左20分钟左右。。呢间韩国餐厅除左炸鸡同其他韩式食品之外，仲主打蛋包饭，小编见到三款蛋包饭口味，真系好想食，分别系烤牛肉蛋包饭、松露野菌蛋包饭、泡菜炖五花肉蛋包饭。每款听落都好吸引，不过两个人两张嘴，食吾到甘多，唯有拣住其中两个食先😂。。食蛋包饭最最吸引莫过于个蛋点包住个食，将个蛋由中间切开，睇住入面嫩滑既蛋由中间慢慢向外滑，过程劲疗愈，见到就已经食指大动🤤。。烤牛肉蛋包饭牛肉肉质嫩滑，再加上烤肉既酱汁，感觉就好似去左食烧肉甘，好好食☺️。。泡菜炖五花肉蛋包饭五花肉炖得岩岩好，肥瘦适中，一放落口就溶化，好Juicy💕。而且估吾好泡菜五花肉同蛋包饭甘夹，好食到停吾到口😍。。炸年糕芝士条口感非常烟韧，好有咬口，外层既炸粉亦都好酥脆，好有层次感🙈。。火山无骨炸鸡鸡肉好嫩，炸完一D都吾鞋口，炸皮好够薄。另外叫得做火山果然有原因，辣度十足，食到嗦嗦声，不过实在太好食，食完吾够喉添😋。。巴斯克芝士蛋糕口感好绵，而且吾会太甜，芝士味好浓厚，好食👍🏻。