影片
更多
2024-10-19
2613 浏览
一直听闻呢间怀旧大排档，但一直都未的起心肝去试，直到近日咁岩经过，又见只系需要等三张枱就试下啦（平日，晚上约7点）等位时无野做睇下食评，见好多comment 话侍应态度差，野食一般，都有d 担心，不过都嚟到门口，又试下你咩料啦🫢一入到去已经俾佢嘅装修吸引咗，毕竟有历史痕迹嘅地方已经买小见小，再望下，连汽水都系细支玻璃樽版😍😍自细已经觉得细支版系特别正。由于今次得两个人食，所以唔敢叫太多，一个炒面，一个杏汁猪肺汤，椒盐粟米，咕噜肉同一个菜已经系极限。好快d 𩠌已经上枱。先讲个汤，真系不得了，份量超多（5,6个人饮都得）汤料亦好足，汤清甜，好香杏汁味，洗猪肺系好麻烦嘅事，无估到餐厅都会洗得咁干净，惊喜！椒盐粟米炒得干身，椒盐味够香，大排档够获气嘅水准。炒面，用我自己个人比较中意嘅幼面，干身唔油，配埋辣椒酱，正～咕噜肉同个菜就一般野，唔特别出色亦唔难食。最后d 野食唔晒要打包，啊姐态度非常好，仲主动提我包走汤料，话系好野㖞😂😂整体价钱合理，下次经过会为左个汤再入嚟😝
等位时无野做睇下食评，见好多comment 话侍应态度差，野食一般，都有d 担心，不过都嚟到门口，又试下你咩料啦🫢
一入到去已经俾佢嘅装修吸引咗，毕竟有历史痕迹嘅地方已经买小见小，再望下，连汽水都系细支玻璃樽版😍😍自细已经觉得细支版系特别正。
由于今次得两个人食，所以唔敢叫太多，一个炒面，一个杏汁猪肺汤，椒盐粟米，咕噜肉同一个菜已经系极限。
好快d 𩠌已经上枱。
先讲个汤，真系不得了，份量超多（5,6个人饮都得）汤料亦好足，汤清甜，好香杏汁味，洗猪肺系好麻烦嘅事，无估到餐厅都会洗得咁干净，惊喜！
椒盐粟米炒得干身，椒盐味够香，大排档够获气嘅水准。
炒面，用我自己个人比较中意嘅幼面，干身唔油，配埋辣椒酱，正～
咕噜肉同个菜就一般野，唔特别出色亦唔难食。
最后d 野食唔晒要打包，啊姐态度非常好，仲主动提我包走汤料，话系好野㖞😂😂
整体价钱合理，下次经过会为左个汤再入嚟😝
张贴
