影片
更多
2023-04-29
691 浏览
最近熟人介绍，辉记小菜馆新开张叫我去捧下场试下菜，咁啱同事想聚一聚啤一啤，，即时约埋一齐落去试新菜顺便聚下旧。 提早一日，揾老友帮忙联络老板，帮我哋book定位兼写菜单， 我地五个大男人，预饮六七支啤酒其他𩠌菜厨师发板， 最紧要有汤😂。 最后老板畀我哋个菜单如下：1. 海星螺头炖猪展2. 金银蒜蒸大元贝3. 碌鹅例牌 4. 津菜白花扎5. 盐烧奄仔蟹 入座后等人齐之际 ，先叫大厨辉哥整几个餐前小食我哋饮住酒先， 嚟咗碟鸡杂， 青瓜脆肠同黄金鱼皮， 碟碟都极度邪恶，鸡杂新鲜，鸡润鸡肾都好好味， 冰冻嘅生肠灼得啱啱好非常弹牙配埋wasabi食简直一流，青瓜酸酸甜甜非常开胃， 碟炸鱼皮就最离谱，非常唔健康但系食到唔停口，咸蛋又香鱼皮又脆， 差啲食晒冇留畀人😅等齐人之后，急不及待叫老板起菜， 先嚟炖汤，眼见材料分量非常充足，几条友饮完都直竖拇指， 汤色清澈味道浓沃而不漏， 冇得弹。 跟住上咗碟客家碌鹅， 都几靓仔，皮肉分明肥瘦适中，呢味家乡菜都几个人口味， 我个人觉得味道够浓 ，但朋友就返嫌佢咸咗啲， 喜好与否因人而异。 之后又嚟咗碟大元贝， 比平时食𠮶啲更加大只， 师傅预先将唔食得嘅部位切除
最近熟人介绍，辉记小菜馆新开张叫我去捧下场试下菜，咁啱同事想聚一聚啤一啤，，即时约埋一齐落去试新菜顺便聚下旧。 提早一日，揾老友帮忙联络老板，帮我哋book定位兼写菜单， 我地五个大男人，预饮六七支啤酒其他𩠌菜厨师发板， 最紧要有汤😂。 最后老板畀我哋个菜单如下：
1. 海星螺头炖猪展
2. 金银蒜蒸大元贝
3. 碌鹅例牌
4. 津菜白花扎
5. 盐烧奄仔蟹
入座后等人齐之际 ，先叫大厨辉哥整几个餐前小食我哋饮住酒先， 嚟咗碟鸡杂， 青瓜脆肠同黄金鱼皮， 碟碟都极度邪恶，鸡杂新鲜，鸡润鸡肾都好好味， 冰冻嘅生肠灼得啱啱好非常弹牙配埋wasabi食简直一流，青瓜酸酸甜甜非常开胃， 碟炸鱼皮就最离谱，非常唔健康但系食到唔停口，咸蛋又香鱼皮又脆， 差啲食晒冇留畀人😅
等齐人之后，急不及待叫老板起菜， 先嚟炖汤，眼见材料分量非常充足，几条友饮完都直竖拇指， 汤色清澈味道浓沃而不漏， 冇得弹。 跟住上咗碟客家碌鹅， 都几靓仔，皮肉分明肥瘦适中，呢味家乡菜都几个人口味， 我个人觉得味道够浓 ，但朋友就返嫌佢咸咗啲， 喜好与否因人而异。 之后又嚟咗碟大元贝， 比平时食𠮶啲更加大只， 师傅预先将唔食得嘅部位切除，然后用炸蒜同生蒜加粉丝垫底蒸到啱啱好 ，够晒野味又食得方便，啖啖肉过足瘾。 食咗咁多浓味嘢，黎返碟清著清清哋嘅， 师傅用津菜包住啲虾滑灌上清汤， 我未食过，但觉得几得意， 亦见到大厨嘅心思。 最后压轴 ，我哋等咗成晚嘅主菜 -盐烧奄仔蟹， 奄仔蟹蟹膏充足，而且非常大只，好少见到有呢啲size，通常食嘅都系得佢三分之二咁上下， 一人一只食完饱到上心口非常满足，朋友都好满意今晚嘅安排， 最后埋单惊喜价，每人四百蚊都唔使，真系性价比之选， 必定再嚟帮衬。😁
11 浏览
0 赞好
0 留言
15 浏览
0 赞好
0 留言
12 浏览
0 赞好
0 留言
14 浏览
0 赞好
0 留言
15 浏览
0 赞好
0 留言
14 浏览
0 赞好
0 留言
17 浏览
0 赞好
0 留言
13 浏览
0 赞好
0 留言
10 浏览
0 赞好
0 留言
11 浏览
0 赞好
0 留言
张贴
