一鼎茶

营业中

休息中

今日喺屯门时代广场行街，见到呢间叫做一鼎茶嘅手摇饮品店。超多人喺度排队，餐牌嘅芝士奶盖系列非常吸引我哋，所以每人各嗌一杯莓芝莓芝（即系芝士草莓）呢杯苺芝莓芝颜色超吸引，又白又粉嫩，充满少女心。芝士奶盖咸咸甜甜非常浓幼，配上酸酸甜甜嘅草莓，饮落去非常清新。芝士绿研+ 牛乳茶呢杯同样系奶盖铺面，奶盖加上少量绿茶粉，充满奶香之余，仲有微微嘅绿茶甘香味。牛乳茶系用发酵过嘅牛乳混合茶一齐泡出嚟嘅茶，充满浓浓嘅奶香，入口又滑又香。芝士绿研+ 纯茶呢杯就系芝士奶盖加纯清茶，因为系两样单独食材组合而成嘅茶饮，味道分明，饮到芝士赖盖嘅咸香浓郁，味道和口感，亦饮到纯茶嘅清淡甘香味，两种味道鲜明，但意外地夹。