影片
更多
2020-03-04
583 浏览
呢日嚟一个新尝试，就系去咗女仆Cafe😂，听就听得多，但去都系第一次。我哋喺大厦楼下已经望到大大个广告，要行楼梯上去，首先会经过一楼夹公仔嘅楼层，再上多层就系。Cafe应该真系新开张无耐，有一边好似仲未装修好🤔。不过环境好大，适合搞大型聚会。当我哋进入异世界前，我哋系要先轻摇铃铛🔔，召唤女仆，好快女仆就出嚟迎接我哋。第一次去女仆Cafe，感觉真系好特别🙈，好唔惯咁好服务。女仆首先同我哋讲解主人／大小姐嘅守则，例如唔好玩铃铛、唔准讲粗口同骚扰女仆等等🤣，好搞笑。我哋一场嚟到，又未食晏，所以就一人要咗一个开挂人生Almighty Life套餐($240)，即系包一张即影即有、主食、饮品同甜品，都几丰富👍。我留意到餐牌上有部份嘅食物名称比较特别，好过瘾，哈哈。首先嚟到嘅系饮品，我要咗梳打特调系列嘅绝对领域🍹(原价$68)。饮品好大杯，味道有啲复杂，饮到大概有啲水果味？好似有柠檬味🍋同波子汽水味。我朋友就要咗水果沙冰系列嘅未闻花名🌺(原价$68)，同样系大大杯。呢杯实际系士多啤梨🍓芒果🥭沙冰，都几真材实料，饮得出用上唔少水果。味道比较酸，士多啤梨味比芒果味出，所以饮品系偏粉红色。由于系沙冰，饮
呢日嚟一个新尝试，就系去咗女仆Cafe😂，听就听得多，但去都系第一次。我哋喺大厦楼下已经望到大大个广告，要行楼梯上去，首先会经过一楼夹公仔嘅楼层，再上多层就系。
Cafe应该真系新开张无耐，有一边好似仲未装修好🤔。不过环境好大，适合搞大型聚会。
当我哋进入异世界前，我哋系要先轻摇铃铛🔔，召唤女仆，好快女仆就出嚟迎接我哋。
第一次去女仆Cafe，感觉真系好特别🙈，好唔惯咁好服务。女仆首先同我哋讲解主人／大小姐嘅守则，例如唔好玩铃铛、唔准讲粗口同骚扰女仆等等🤣，好搞笑。
我哋一场嚟到，又未食晏，所以就一人要咗一个开挂人生Almighty Life套餐($240)，即系包一张即影即有、主食、饮品同甜品，都几丰富👍。我留意到餐牌上有部份嘅食物名称比较特别，好过瘾，哈哈。
首先嚟到嘅系饮品，我要咗梳打特调系列嘅绝对领域🍹(原价$68)。饮品好大杯，味道有啲复杂，饮到大概有啲水果味？好似有柠檬味🍋同波子汽水味。
我朋友就要咗水果沙冰系列嘅未闻花名🌺(原价$68)，同样系大大杯。呢杯实际系士多啤梨🍓芒果🥭沙冰，都几真材实料，饮得出用上唔少水果。味道比较酸，士多啤梨味比芒果味出，所以饮品系偏粉红色。由于系沙冰，饮到有啲啲头痛，哈哈哈。
蛋包饭
$88
41 浏览
1 赞好
0 留言
蛋包饭
$88
40 浏览
1 赞好
0 留言
蛋包饭
$88
67 浏览
1 赞好
0 留言
甜品方面，我要咗Tiramisu🍰(原价$42)。蛋糕几大件，味还好，但白色𠮶啲似普通忌廉多过系Mascarpone Cheese。Anyway蛋糕碟上画上可爱嘅兔兔图案🐰，好QQ。
我朋友就要咗抹茶果冻圣代🍨 (原价$78)。呢个Parfait都唔错，🍵抹茶味唔算淡，而且有好多料，例如蕨饼、棉花糖同蛋卷等。
题外话，我想讲多两样关于女仆Cafe嘅特别嘢。第一样系呢到呼唤女仆侍应生时系要用铃铛㗎🎊，唔知点解摇𠮶阵我有少少怕丑👉🏻👈🏻。
第二样就系女仆除咗帮我哋落单同画蛋包饭外，佢哋另一个隐藏身份就系厨师👩🏻🍳！呢到无大厨㗎，厨房由佢哋主理，嘢饮嘢食都系佢哋整。
我见场内有唔少熟客仔👦🏻，好似成日嚟帮衬咁，女仆仲同佢哋玩Board Game添。最后，我哋个餐系每人包影一张即影即有相片的，但如果两个人一齐同女仆影同一张相，就已经会计两张。我哋揾返Miyo一齐影相😛，佢好好人，仲用手摆心心手势❤️，不过相片就不便公开XD。
总括嚟讲，呢次嘅女仆Cafe体验真系好新奇，同想像中差唔多，但更为Causal！虽然食物同饮品味道唔系卖点，不过胜在消费唔高、最低消费$78就已经可以嚟见识下。我喺到再次推介要嗌蛋包饭🍚啊，真心值回票价😘。
张贴
