尚鮮海鮮料理 (已結業)

天气开始转凉，同男朋友去左打边炉。呢间舖头感觉好新净，唔知系咪新开，地方干净，坐得舒服，如果多fd一齐食应该会安排卡位，卡位仲有埋电视，好正！侍应服务态度好。饮品方面，我地饮青柠梳打同埋洛神花蜜，好清新，推荐大家点，因为好岩食到热辣辣嘅时候饮！先讲我左我地一致认为最好食嘅野：特尚手切牛。系雪花肥牛黎！脂肪分布好均匀，食落去牛肉同脂肪溶为一体，满口幸福感！之后叫左个鲜打四宝丸，可能因为系手打，所以弹牙爽口。btw，想讲下个汤底：姬松茸冬瓜汤。呢个系健康之选！唔中意肥腻嘅朋友可以拣呢个。鲜炸脆响铃：如其名，真系新鲜自己整嫁！大件过平时急冻果d！而且超级脆口！最后，我地点埋松叶蟹皇饺，一份有六只，份量十足。饱到加零一，十分满足。