德國餐廳 (博文街) (已結業)

大角咀近期多左唔少新开嘅特色餐厅小店，想饮杯啤酒happy hour下嘅话，呢间喺博文街嘅德国餐厅就岩哂啦! 食德国野紧系要嗌返个德国咸猪手，同喺德国嘅时候食一样都会配埋炖菜跟薯仔沙律。几正宗面皮脆卜卜，焗左既猪手少左份油腻感，入口几滑，感觉有满满嘅骨胶原，配埋佢个酸菜啖啖肉，用嚟送啤酒一流。芝士薯条薯条即叫即炸，面头d芝士焗到好金黄，超级热辣辣，薯条 偏幼身，香脆但唔油腻，搞到完全停唔到口。超正! 超邪恶! 绝对不能错过！