影片
更多
2023-05-01
46 浏览
之前睇食评见到好坏参半，但我哋经过舖头见到入面坐满晒人，所以都决定一试～估唔到几有惊喜！首先叫咗个好多人都有嗌嘅锡纸烧蒜蓉花甲～花甲都算几大粒～涨卜卜咁，调味都好香，但又唔会太浓味，觉得几好食！极推蒜蓉烧大大茄子！！！好大条～个皮冇烧㶶，调味劲正！一丝丝咁卷出嚟食真系好正！！劲钟意～另外我哋仲叫咗啲串烧，串烧上面洒咗孜然粉，食落会比较香口同浓味，刚好我哋点嘅食材本身都唔系浓味，所以觉得同孜然粉劲夹。烧香卜卜鱼豆腐，估唔到会咁入味咁好食！烧绝味鸡软骨，去得食串烧一定要叫鸡软骨，好有咬口～风味烧鲭鱼，鲭鱼算几少骨，食落去啖啖肉，唔会有鱼腥味，想清新啲嘅可以落柠檬汁。烧蒙古羊肉串 ，好香羊肉味，但唔会太骚，我个人好钟意羊骚味～如果再骚啲就一流（个人喜好）觉得呢度嘅串烧几好食，会推介俾朋友～
之前睇食评见到好坏参半，但我哋经过舖头见到入面坐满晒人，所以都决定一试～估唔到几有惊喜！
首先叫咗个好多人都有嗌嘅锡纸烧蒜蓉花甲～花甲都算几大粒～涨卜卜咁，调味都好香，但又唔会太浓味，觉得几好食！
极推蒜蓉烧大大茄子！！！好大条～个皮冇烧㶶，调味劲正！一丝丝咁卷出嚟食真系好正！！劲钟意～
另外我哋仲叫咗啲串烧，串烧上面洒咗孜然粉，食落会比较香口同浓味，刚好我哋点嘅食材本身都唔系浓味，所以觉得同孜然粉劲夹。烧香卜卜鱼豆腐，估唔到会咁入味咁好食！
烧绝味鸡软骨，去得食串烧一定要叫鸡软骨，好有咬口～
风味烧鲭鱼，鲭鱼算几少骨，食落去啖啖肉，唔会有鱼腥味，想清新啲嘅可以落柠檬汁。
烧蒙古羊肉串 ，好香羊肉味，但唔会太骚，我个人好钟意羊骚味～如果再骚啲就一流（个人喜好）觉得呢度嘅串烧几好食，会推介俾朋友～
张贴
