Terrace in seaside (新城市廣場一期)

营业中

休息中

临近清明节，到附近拜山之后，同家人去新城市广场食过午餐。之前食过佢哋嘅晚餐，都觉得唔错。见到有限定白桃系列，好吸引。最欣赏呢份明太子蟹肉饭卷，有堆满满的蟹肉，蟹肉用沙律酱半匀。 饭卷咬落去好有口感有牛蒡萝卜丝菠菜丝。烧酱油黑毛猪白切肉紫苏饭 $138 店员介绍呢款，紫苏饭加入咗韩式辣酱，好有风味，黑毛猪白切肉好似薄切五花腩，肥瘦均匀。两个人分主菜够饱, 分别点咗两款甜品 。春日白桃花园窝夫，卖相好靓加上食用鲜花，值得一赞系个窝夫上面嘅忌廉粉红色嘅同埋有桃味。丝滑白桃希腊乳酪布甸杯，两层卖相好靓上面系切碎嘅桃果蓉，下面白色系奶布丁。两款饮品都各有特色 ，西柚恋曲气泡梳打 ，就好好解渴酸酸甜甜。白桃飞舞冰雪，奶味比较重，好啱我口味。