奧壽司

营业中

休息中

朋友升职~话公司附近有间日本野好正所以请我地去食~有人请梗系要去啦!地点系数码港商场入面，好大个门面都几易揾~睇下menu，好多选择~但因为朋友请就由佢发板~牛油果软壳蟹卷、三文鱼寿司、鹅肝寿司寿司叫左三款~我觉得牛油果软壳蟹卷最出色，牛油果够软林，软壳蟹份量够多，有咬口唔会净系食到寿司饭~,而三文鱼寿司味道正正常常唔算好特别，但鹅肝寿司做到入口即溶既效果，成旧摆入口系成个口腔都充满鹅肝味~香到唔想讲野住!烧年糕、饺子鸡翼、花竹虾天妇罗年糕烧得干身，入面系芝士，一咬就有完美拉丝效果!钟意食芝士既烟韧控一定喜欢!饺子鸡翼胀卜卜，咬落去肉味够浓又juicy，唔错!虾天妇罗似系即炸，非常热又唔会油林林，虾够爽，唔错!葱吞拿鱼腩吐司葱吞拿鱼腩吐司好特别，有三块被牛油烘过既法包同葱吞拿鱼腩伴住，吞拿鱼腩新鲜肥美，法包充满牛油香，加埋一齐食味道好特别!第二度唔系咁易有得食!带子蟹膏炒饭、云丹蟹粥全晚最赞我觉得系呢个带子蟹膏炒饭同云丹蟹粥~炒饭非常浓味，蟹膏虽然唔多但已经足够令成个饭好有蟹膏味，带子鲜甜弹牙，炒饭粒粒分明又干身~高质!而云丹蟹粥系最等得耐既一道菜，食一啖就知点解要等咁耐，因为蟹既鲜味