影片
更多
2019-07-19
40 浏览
食过几次和气食堂，特别难忘个甜品，今次基本上都系为左个甜品而再嚟食每次嚟都觉得花多眼乱，Menu真系超多野食拣。今次同妈妈嚟就一定要食个沙律。甜品我负责。鱼生饭都系必点。首先左口鱼边牛油果沙律。近期好似好兴食左口鱼。呢个沙律竟然有埋黑松露酱，对我嚟讲好新鲜，亦同左口鱼味道好夹。左口鱼肉质好爽，作为前菜好清新。另外有大量嘅牛油果都系重点。沙律整体份量足，味道够！再嚟个烧牛舌。今次烧得几淋，而且好香牛味，里面仲有少少红红地，如果怕食生嘅朋友就唔好叫。加埋柠檬汁，正！叫左个三文鱼牛油果鳗鱼粒粒饭，三文鱼唔系太新鲜，或者可能系粒粒三文鱼通唔系畀啲靓嘅位你。广岛蚝寄世锅，系一个海鲜锅，有三文鱼鳍，海虾，蚝，蚬，蟹柳，仲有大量菌类同菜，好大锅，汤头甜甜地，海鲜中，蚬肉同蚝最鲜最好食。面鼓烧日本米茄子，几得意，有啲位烧到脆，上面嘅面鼓仲有埋啲猪肉粒，我觉得似花生酱味，几特别，我畀8/10分。最后拣左个糯米糍红豆绿茶牛奶雪糕，特别钟意呢度啲糯米糍好烟韧，每次必点。绿茶雪糕依然香浓有少少苦涩，配埋牛奶中和味道就啱晒啲食唔到太浓绿茶味嘅人。今餐依旧冇令我失望，埋单每人连加一$230。抵食！！
每次嚟都觉得花多眼乱，Menu真系超多野食拣。
今次同妈妈嚟就一定要食个沙律。
甜品我负责。
鱼生饭都系必点。
首先左口鱼边牛油果沙律。近期好似好兴食左口鱼。呢个沙律竟然有埋黑松露酱，对我嚟讲好新鲜，亦同左口鱼味道好夹。左口鱼肉质好爽，作为前菜好清新。另外有大量嘅牛油果都系重点。沙律整体份量足，味道够！
再嚟个烧牛舌。今次烧得几淋，而且好香牛味，里面仲有少少红红地，如果怕食生嘅朋友就唔好叫。加埋柠檬汁，正！
叫左个三文鱼牛油果鳗鱼粒粒饭，三文鱼唔系太新鲜，或者可能系粒粒三文鱼通唔系畀啲靓嘅位你。
广岛蚝寄世锅，系一个海鲜锅，有三文鱼鳍，海虾，蚝，蚬，蟹柳，仲有大量菌类同菜，好大锅，汤头甜甜地，海鲜中，蚬肉同蚝最鲜最好食。
面鼓烧日本米茄子，几得意，有啲位烧到脆，上面嘅面鼓仲有埋啲猪肉粒，我觉得似花生酱味，几特别，我畀8/10分。
最后拣左个糯米糍红豆绿茶牛奶雪糕，特别钟意呢度啲糯米糍好烟韧，每次必点。绿茶雪糕依然香浓有少少苦涩，配埋牛奶中和味道就啱晒啲食唔到太浓绿茶味嘅人。
今餐依旧冇令我失望，埋单每人连加一$230。抵食！！
张贴
