沙嗲王 (金馬倫道) (已結業)

餐厅好阔落，灯光好光猛，坐得松动，环境唔会好嘈，可以边食边倾计。蟹粉豆腐锅配饭($76)每次必点蟹粉豆腐锅，沙嗲王既招牌菜，全场最好食。上菜时渣渣声，超热。蟹肉、豆腐同咸蛋黄味既配搭一流，好香！再拌混白饭一齐食，正！美中不足既系，食饱少少同冻左会无热辣辣咁正，会觉得有少少腻，不过都系好味。(个人口味: 4.4+4.5/10)意大利芝士白汁焗饺子($45)即叫即焗，同豆腐锅一样超热。饺子有6只，卖相好吸引，馅既调味唔错，唔系淡而无味，饺子都几有肉汁，食3只已经觉得饱。不过个人觉得白汁同饺子既配搭一般，未必会再叫。但"友人"出奇地几满意尼个焗饺子。(个人口味: 3.1+3.7/10)蒜香牛油烤饼($15)烤饼有3块，好香既牛油味，微暖，口感好松化，唔需要沾任何酱汁都好食，好饱肚，抵食。(个人口味: 3.5/5)脆虾棒($27)虾棒有8件(即系4条)，比薄饼更热。虾捧真系有虾肉，配他他酱好味。(个人口味: 3.2+3.7/10)埋单送现金卷，约$10送$1，留返下次用，当免加一。今餐就用左上次送既$16现金卷。