吉列牛忌廉烏冬專門店 (彌敦道) (已結業)

见餐厅既忌廉乌冬几特别，所以就黎试下。订枱既时候已经被告知得1小时15分钟食，而且要准时到，冇走盏既空间。一层白𠽌𠽌既忌廉舖系面头。忌廉下面就系咖哩乌冬，捞埋忌廉一齐食又几好食。忌廉好香滑，一啲都唔腻。只略嫌鸡肉少左啲。除左咖哩乌冬，吉列牛都好出名，所以都叫左。每枱都放左个炉仔，系用黎煎啲吉列牛。吉列牛外脆内软，上面有啲蒜蓉。肉质都几腍，但系唔够肉味。百几蚊黎讲，唔太特别。另外，仲点左味噌蟹盖紫菜饭团，系近期大热既韩国蟹膏。蟹膏用黎捞饭确系一流。环境方面，枱与枱之间既距离太近，连放袋既位都冇。总括而言，忌廉乌冬几创新，价钱合理，值得一试。