八沢 (霎東街) (已結業)

星期六同友人谂住去铜锣湾行街 经过一间日本嘢就入去试下。见到黑松露忌廉系列似乎店里比较出名嘅。咁我哋就叫咗个黑松露忌廉三文鱼腩带子乌冬。个忌廉汤底同平时食嘅唔同，质感反而较稀身唔会太杰。但食落又无沟咗水嘅感觉，忌廉味好出之余又唔太腻。而且个汤饮落亦有好香黑松露味。有三大块三文鱼腩同带子，两款海鲜都好肥美新鲜，绝对无任何腥味。个三文鱼腩肉质嫩滑，十分高质。而个面底则系用爽滑弹牙嘅稻庭乌冬，唔错唔错！另外我哋试咗个广岛蚝肉碎乌冬。呢个乌冬嘅汤底相比就较清，但系比个蚝带出到个鲜味，而且一啲都唔咸无好重味精咁，我哋都差唔多饮晒成个汤。88蚊有5只肥美广岛蚝，一啲都唔腥，而且煮到啱啱好熟，肉质嫩滑。性价比超高。最后叫咗个紫薯金栗饼，佢个炸粉一啲都唔会厚，而且外酥内软，个馅好足料，食到甜甜嘅紫薯夹杂住甘栗粒，令到佢更有咬口。而且个炸物唔会食到有油益味，抵赞。