麥當勞

营业中

休息中

由澳门返香港，落咗船有啲肚饿，我哋就去麦当劳食下午茶嘞，拣佢嘅原因系为咗佢个忌廉蘑菇粟米汤！个汤原价 $9.5，买餐加 $6 就有，我哋唔系好肚饿，亦唔想食太多，所以就要咗一个脆香鸡翼餐加汤。鸡翼刚炸好，热辣辣一定好食，又脆又味浓，饮多两啖汽水先掂！ 主角慢慢试，唔似金宝汤，因为好明显啲磨菇大只啲，呈半月形，粟米都未煲到烂晒，仍然食到一粒粒，汤亦唔会稀匀匀，好似比之前有进步，唔错啦！信德嘅麦当劳好大，乜嘢类型嘅位都有，就算你想玩自闭，都有几排面壁位比你拣，一个人下昼冇嘢做，嚟上网打机睇书，仲平个去咖啡店！