民華餐廳

营业中

休息中

今日收工去旺角买衫，买完谂住食埋饭先返屋企，行经附近有间叫民华餐厅，发觉嘢食几吸引，价钱又抵，所以就拣左呢间！因为一个人所以要搭枱，不过都预左，晩市多人嘛！入到去睇完餐牌就嗱嗱声叫嘢食，因为劲肚饿，虽然多人，但上菜好快，大约等左十几分钟就上齐！首先食既系五香牛筋腩汤河粉，佢既牛筋腩煮得又软又淋又入味，而且河粉比其他茶餐厅有口感，而且个汤汁有浓郁既牛肉味，超正！之后开始食佢地店员极力推荐既西多士，其实我曾经犹豫过，究竟叫唔叫始终一个人，又怕肥，不过都豁出去，食完先算，首先卖相一流，切成九少块中间有块大牛油，再加埋炼奶，食落感觉每块西多都炸得刚刚好，金黄酥脆，每一啖都夹著牛油同炼奶既香味，简直系男士恩物！但奉劝一句，件西多士确实份量十足，如果系女仔或者减紧肥既朋友，就最好叫到几个朋友一齐share，废费食净浪费最后嘢饮叫左杯红豆杯，唔太甜，啱我口味，掂！佢地仲有中式点心提供，如果大家食Lunch就可以试下，而且佢地嘢食真系大件夹抵食，啱哂我地呢排打工仔！