Dear Coffee & Bakery (已搬遷) 新店位置

一直都听闻佢地既手工面包好出色，终于可以试到啦。因为佢地既面包每星期都会唔同款，所以见到有心仪既款终于决定要去。今个星期最吸引我既系海盐焦糖肉桂卷同宇治抹茶奶酥贝果，于是简左黎堂食，其他款就打包慢慢品尝。因为系海盐焦糖既关系，所以一d都唔腻，焦糖味甜度岩岩好，再加上满满既肉桂味平衡左整体味道。肉桂卷外脆内软，口感一流！真系令人有惊喜既一品。宇治抹茶奶酥贝果口感偏烟韧，食落好有质感，意外地都几饱肚。包体带点回甘既抹茶味，而宇治抹茶奶酥馅亦好足料，唔会过甜甚至有香浓既抹茶香味，整体味道配合得好柔和，不知不觉好快就食晒成个。另外叫左杯Matcha Latte，味道不过不失，抹茶味带微苦好正，同埋拉花都好靓🥰今次十点正岩岩到铺，发现已经有好多人等紧开铺入座，一下子就坐满晒人要排长龙，所以想成功地买到心仪既包就一定要早d过黎啦。