石記餐廳 (已結業)

我帮衬过呢间野两次，但系难食到咁，点解会有第二次呢?因为当日八号风球冇野食，佢独市咁滞，唯有入去填肚啦，我住楼上近近地，算，我忍你。打风加价都唔怪得佢，咁既天气仲开舖，但系廿八蚊一碗餐肠面得一条肠半块餐肉，唔热兼无味既汤底同埋两注面，无错，真系两注，系咪过分咗少少呢。你要收贵少少都无所谓，我都好感恩八号风球竟然仲有得食，但系都俾返少少良心呀，我极度后悔唔去七仔买杯面加叮叮点心，一定好食过佢。我地全条电气道既街坊都佢出名曳，非迫不得已都尽量唔会帮衬，在此敬各位来天后食饭既朋友，行多几步，大把好野你食，你既脚骨力系值得付出，欢迎光临天后。