清真牛肉館 (龍崗道) (已結業)

寻晚游完水之后，去咗食我哋11个人叫咗10样嘢，当然一定有叫牛肉饼。牛肉饼好好食，煎得好香，个面包皮出边出面煎得微微地脆，但系入边就烟银软熟。牛肉饼就好大嚿，非常之香嘅孜然味道，入口啖啖肉，唔会一咬就碎晒，而且肉汁好多，一咬就好似小笼包咁标出嚟，非常正宗嘅中东风味。我哋都有叫到咖喱牛腩、牛脷、煎同蒸银丝卷、炒四季豆、煎羊肉饺、上汤牛肉饺等等，都好惹味，不过梗系无招牌菜牛肉饼咁出色。呢度真系好啱一班人嚟食，可以试多几样菜色之余又吹住水食嘢，一大乐事。