新一派 味道 (已結業)

今日下午茶, 谂住去食下呢度个义烧煎蛋饭, 虽然比以往细碗左, 但味度真系唔错, 姜油更系冇得顶(要问佢先会有, 有时佢地会唔比)己经唔系第一次, 好多次响呢度食饭都好唔开心, 但都抱住" 算啦~ 比次机会人啦~ 做人要大方D~" 但呢次终于都系忍唔住要POST上黎话比人知呢间野service有几咁差!! 侍应生十问九唔应 (呢个情况己经持续左多年, 但依然系冇改善 !!) 坐低又冇人抺枱, 三吹四请先有人黎, 叫左野食碗饭都食完杯涷奶茶仲未黎, 一吹再吹终于都到, 但己经系半个钟头后既事. 谂住算啦饮完走人, 点知一饮落去发觉系冇甜味, 即刻叫佢换过! 又再过多十五分钟(呢次快左d), 杯涷奶茶终于都到, 一饮落去又系冇甜 !! 跟住入去茶水部同佢讲, 佢话换个杯比我, 我话唔驶啦, 心谂你换到黎比我我都食晚饭, 嘥气 !! 我发觉呢间野d侍应做野真系好唔掂, d人做野慢, 个个黑口黑面, 成日落错单, d 野饮成日都出到乱晒, 有次仲见倒佢地自己人同自己人哎交. 果个男既四眼侍应企响茶水部好似摆金饰咁摆d 野饮落个盆度, 动作慢到呕茄 ! 大佬! 请你番黎decorate个盆呀