影片
更多
2011-01-11
41 浏览
呢间大家乐都可算系其中一间自己耐唔耐就会去帮衬嘅饭堂之一，就好似前一排咁，喺过海之前，因为无食晏昼，就喺呢度食咗个纯粹志在饱肚嘅「盛盒茶餐」。因为呢个餐系两公婆一齐share嘅，所以都算系抵食夹大件。呢个「盛盒茶餐」睇落去又真系几丰富嘅，一个$19嘅茶餐，就有叉烧汤米、香焗芝士火腿卷、咖喱角、肠仔、牛油粟米、椰汁西米布甸六样嘢食，仲要包一杯咖啡或茶热饮，我地两公婆share，每人平均都唔使$10，系咪好抵呢！不过咁，讲到食物质素啰㖞，「大家快乐」出品，通常都唔会话太高质素吧！首先系 「叉烧米粉」，汤底系非常清淡如像开水嘅「清汤」，米粉唔系咁多，叉烧就唔算太少，不过就好碎湿湿啰，味道当然都系较为平淡啦！ 跟住系 「香焗芝士火腿卷」，个酥皮唔系太脆，里面的馅料都系普普通通咁啦，其实都唔系咁食得出芝士味。至于肠仔呢，咪就系一条切开两半，左花嘅 「肠仔」啰，无乜好讲。 「咖哩角」摊到冻左，唔脆，唔够香同辣，完全唔及格。 「椰汁西米布甸」纯属个人喜好，唔系咁喜欢。最后系已经刨成粒嘅 「牛油粟米」甜甜地，有少少牛油香，过得去啦。虽然呢个所谓嘅「盛盒茶餐」味道就真系好一般啦，不过一个人只系$10都
呢个「盛盒茶餐」睇落去又真系几丰富嘅，一个$19嘅茶餐，就有叉烧汤米、香焗芝士火腿卷、咖喱角、肠仔、牛油粟米、椰汁西米布甸六样嘢食，仲要包一杯咖啡或茶热饮，我地两公婆share，每人平均都唔使$10，系咪好抵呢！
不过咁，讲到食物质素啰㖞，「大家快乐」出品，通常都唔会话太高质素吧！首先系 「叉烧米粉」，汤底系非常清淡如像开水嘅「清汤」，米粉唔系咁多，叉烧就唔算太少，不过就好碎湿湿啰，味道当然都系较为平淡啦！
跟住系 「香焗芝士火腿卷」，个酥皮唔系太脆，里面的馅料都系普普通通咁啦，其实都唔系咁食得出芝士味。
至于肠仔呢，咪就系一条切开两半，左花嘅 「肠仔」啰，无乜好讲。
「咖哩角」摊到冻左，唔脆，唔够香同辣，完全唔及格。
「椰汁西米布甸」纯属个人喜好，唔系咁喜欢。
最后系已经刨成粒嘅 「牛油粟米」甜甜地，有少少牛油香，过得去啦。
虽然呢个所谓嘅「盛盒茶餐」味道就真系好一般啦，不过一个人只系$10都唔使呀，真系几抵食啰，仲想点吖。求求其其医肚都可以嘅！
张贴
