忘不了拉麵小籠包 (已結業)

星期日要去观塘工厦学整月饼，顺带黎呢头食个LUNCH。记得之前系呢头返工时都黎过呢到食，都想再次返黎试下。今次叫既系「超值2人餐」，有1个冷盘，1个汤，2个热炒，1个粉面同埋1个点心。鸡丝粉皮: 鸡丝粉皮算系我最爱既上海菜之一，最钟意既系佢个麻酱。呢到既粉皮好正又弹牙，个麻酱简直系无得顶。酸辣汤:汤好足料又够热，酸辣度都啱啱好。忘不了小笼包: 小笼包里面既汤汁多亦都好鲜甜,皮薄但不易穿皮，咬开有满满既肉汁，系小店黎讲有呢个水准算系好难得，不过一人得一只好似唔系好够，一人3只就差唔多。酱烧茄子: 呢个只系好一般既猪肉碎炒茄子，无咩特别。本帮黑醋骨: 排骨都算煮得唔错又唔韧，醋味道刚好，唔会太酸，排骨又唔太淋，不过见到成碟都系肉，胃口唔好大，食唔到好多。上海炒年榚: 年糕软硬适中，烟烟刃刃既感觉我真系几钟意，炒得有镬气得嚟又唔会太咸。