影片
更多
2022-06-16
86 浏览
拖罗赤身，呢个5月尾6月嘅季节最好食刺身要配合埋天气同温度，偏冰凉嘅口感。今日天气好焗热。师傅切咗块超厚大嘅比我，微凉口感唔冰，仲要劲鲜，衞生干净！佢喺我门前即切即处理旧鱼~~平时嘅系无味唔知咩咁。精心设计过嘅menu, 除咗用时令食材，特别部位，不同种类嘅海鲜，仲有好几种不同嘅口感，加上天气比人嘅感觉去配搭，唔止口腹之欲，仲系物理上嘅好感。图一: 左上 特厚拖罗 右上 前菜 鱼腐蟹柳，炸虾丸蚕豆，大根鲣鱼汁。茶碗蒸 超滑，有蟹肉，清甜嫩滑左中: 超厚身墨鱼 剌身寿司，巨厚，好浓滑口感，完全无任何筋。用成个钟去处理佢！平时会系用好够海胆/其他野令佢吊味，但佢系完全无渣，无un嘅野！师傅话系用手劲推到鱼肉劲软，超多功夫！右中: 赤贝 上咗枱仲会收缩！爽脆口感，左下: 平政鱼较！超稀有部位！要好有经验先处理到，因为平时好多骨。师傅话如果客有饮酒就会烧埋有骨个位，但刺身就食唔到，晒咗好大旧。右下: 沙巴鲭鱼 深色d,食落重味过平时食到嘅图二: 右上: 师傅劲nice, 我地坐bar枱，除咗有问必答，仲show埋佢由一大旧鱼开始处理嘅原理，部位话比我地知。仲share以前同而家喺日本学做日本菜
拖罗赤身，呢个5月尾6月嘅季节最好食
刺身要配合埋天气同温度，偏冰凉嘅口感。今日天气好焗热。师傅切咗块超厚大嘅比我，微凉口感唔冰，仲要劲鲜，衞生干净！佢喺我门前即切即处理旧鱼~~平时嘅系无味唔知咩咁。
精心设计过嘅menu, 除咗用时令食材，特别部位，不同种类嘅海鲜，仲有好几种不同嘅口感，加上天气比人嘅感觉去配搭，唔止口腹之欲，仲系物理上嘅好感。
图一: 左上 特厚拖罗 右上 前菜 鱼腐蟹柳，炸虾丸蚕豆，大根鲣鱼汁。茶碗蒸 超滑，有蟹肉，清甜嫩滑
左中: 超厚身墨鱼 剌身寿司，巨厚，好浓滑口感，完全无任何筋。用成个钟去处理佢！平时会系用好够海胆/其他野令佢吊味，但佢系完全无渣，无un嘅野！师傅话系用手劲推到鱼肉劲软，超多功夫！
右中: 赤贝 上咗枱仲会收缩！爽脆口感，
左下: 平政鱼较！超稀有部位！要好有经验先处理到，因为平时好多骨。师傅话如果客有饮酒就会烧埋有骨个位，但刺身就食唔到，晒咗好大旧。
右下: 沙巴鲭鱼 深色d,食落重味过平时食到嘅
图二:
右上: 师傅劲nice, 我地坐bar枱，除咗有问必答，仲show埋佢由一大旧鱼开始处理嘅原理，部位话比我地知。仲share以前同而家喺日本学做日本菜，寿司嘅分别，当年嘅辛酸。
图3
左上: 吞拿鱼下巴 配柠汁/酸汁，去油解肥腻。真系好肥唔系讲笑，d皮烧到脆晒
右上: 八爪鱼吸盘寿司，上面有鱼子酱，好爽脆，唔洗点酱，已经够咸
右中:吞拿鱼 中落 位置 一排骨中间嘅位嘅肉，极罕有，腩排骨(?)呢件寿司用咗一大旧鱼黎做，因为呢个部位只有一块，切成12块再去做成一旧寿司。好神奇嘅感觉，食完好耐都个成阵味喺口！全部都系师傅话我知㗎！
左下: 雪场蟹肉薯饼，即炸，上枱嘅时候其中师傅都话系好野黎，就知唔简单！
右下: 炒紧好邪恶嘅野！牡丹虾寿司上面放埋炒虾糕，劲浓虾味！食完d味不停喺口入口回响！痴线！好癫啊！睇住佢处劲大只嘅牡丹虾，虾头倒晒出黎，再火烧再放返上只度，做寿司！
左上: 烧紧虾膏
左中: 蒜头渍，有味噌，昆布同柴鱼腌，劲好食！完全唔臭！食到停唔到！
右中: 流心拖罗卷，入口微冰冻，真系溶化，放得耐会流心！入面有芝麻，超香！含一阵，等佢溶咗，散晒d香味出黎！大推啊呢度！
右下: 大佬嘅海胆杯，超靓！做师傅都唔容易，仲要放朵rose上去，洒雪花(淡雪盐)，好多做但超正
鸡冠草系鱼生寿司嘅常有配菜，劲爽口，好好味。平时都无人会话你知咩黎，但呢度师傅真系无得顶，劲细心！
呢餐omakase食品种类同质感都好丰富！唔止味道不同，真系好有心思！
张贴
