大同韓燒 (已結業)

去探我二家姐同佢既bb, 佢就住系大角嘴，所以揾返间离佢屋企近d既。食完就即刻返上去睇bb。选择左呢间大同韩烧！环境装修唔错干净。店铺好人性化。因为我到先企左系出面。我都几早到铺头入面唔算太full。佢就叫我入去坐阵等人。可以饮下野食热食先！等人齐之后开炉先开始计时！我觉得唔系间间都肯咁样做。比个like 佢！边饮住野边等我二家姐。佢一到左上我地两个就即刻出去拎野食！猪牛羊咩都有！仲有海鲜类。选择都非常多！由于肚饿我地先夹左热菜黎食！种类绝对唔输旺角大型韩烧店！由其推荐豆卜！非常入味encore 左好多次！另一样值得称赞既系用左牛油纸垫住烧！冇咁易痴底同埋干净d! 肉类方面推荐五花肉同牛仔骨！五花肉半肥半瘦！烧完非常香口再加上夹生菜可以解油腻！牛仔骨非常惹味。都encore 左好多次！最后再食杯雪糕！捧住个大肚腩返去屋企探bb! 买单两位350蚊！呢个价钱晚餐自助韩烧算系非常抵！旺角观塘最平都要200蚊起一位！而且都冇咁好食！