The Pudding Nouveau (已結業)

食完brunch，游走北角同CWB 之后，走咗去大坑揾cake 食!大坑，就好似系CWB闹市嘅后花园。呢度冇咁多人流，同挤迫嘅CWB相比之下，格外清静。大多以小店为主，上openrice search 到呢间型格咖啡小店，见d甜品唔错，一于喺呢度Hea一阵。餐厅以灰、白、黑为主调，配合落地玻璃同宽阔嘅门面，感觉时尚开扬。餐厅唔算大，只有十几个位，可能仲未到晩餐时间，所以店入面只得一枱客。餐牌嘅甜品有多款选择，窝夫、梳乎厘、奶冻、焦糖炖蛋......全部都有。法式柠檬芭菲 Lemon Parfait平时我哋食开嘅芭菲都系一杯杯，入面有鲜果、脆米片或者朱古力嘅雪糕圣代。今次食呢个都系芭菲嘅一种，不过系法式芭菲。甜品师会喺蛋黄中加咗糖同cream，打混之后将佢冰冻，成型后用调味料点缀再用碟装住上枱。柠檬味非常清新，入口香滑又唔算甜。红色士多啤梨配撘黄色芭菲，形成强烈嘅颜色对比，加埋d蓝莓同士多啤梨酱装饰，简单嘅造型已经好靓。另外仲有只好靓嘅蝴蝶，系用威化做嘅，可以食不过佢冇味道㗎!乌龙茶焦糖炖蛋前两日先食完法式焦糖炖蛋，好快又想食，所以我哋舍咗窝夫同梳乎厘，拣咗一个特别味嘅焦糖炖蛋~~乌龙茶